Close Icon
Chat Box
Archi Logo

შეუკვეთე ზარი

Phone Icon

დაგვიკავშირდით

+995 322 602 602

Phone Icon შეუკვეთე ზარი
გთხოვთ, ჩაწეროთ სახელი
გთხოვთ, აირჩიოთ ზარის მიზანი
გთხოვთ, ჩაწეროთ ტელეფონის ნომერი
ქარ ENG РУС

არქი არის სამშენებლო კომპანია, რომელიც ყველა სტანდარტის დაცვითა და უმაღლესი ხარისხის მასალებით აშენებს თანამედროვე და კომფორტულ ბინებს

ბლოგი

14/08/2020 _ ინტერიერი

თანამედროვე დიზაინის ფარდები მყუდრო ატმოსფეროს შესაქმნელად

ფარდა სახლის ის აუცილებელი ატრიბუტია, რომელიც ბინაში სიმყუდროვეს ქმნის. მიუხედავად იმისა, რომ ინტერიერის დაგეგმვისას ფარდები შეიძლება სულ ბოლო ეტაპზე შეარჩიოთ, დეკორის ამ ნაწილს დიზაინის რადიკალურად შეცვლა შეუძლია. რაც ყველაზე მთავარია, ფარდას ბინაში ხასიათი შემოაქვს და ჯადოსნურ ატმოსფეროს ქმნის. ფარდების დიზაინი დროთა განმავლობაში იცვლება, უფრო მეტად იხვეწება და თანამედროვე ტენდენციებსაც ითვალისწინებს.

 

2020 წლის ინტერიერში მთავარი მიმართულება ბუნებრივი მასალების გამოყენებაა. აბრეშუმისა და სელისგან დამზადებული ფარდები სწორედ 2020 წლის ტრენდებს ითვალისწინებს. ასევე ეფექტურია ბამბუკის ფარდების გამოყენებაც, რომლებიც ნებისმიერ დიზაინს არაჩვეულებრივად ეხამება. რაც შეეხება ფერებს, ბეჟი, მწვანე, ლურჯი, ყავისფერი და მათი სხვადასხვა ჩრდილები ოთახს სიახლეს ჰმატებს. მსგავსი ფარდები განსაკუთრებით ლამაზად გამოიყურება პასტელური ფერების კედლებთან ერთად. მიუხედავად იმისა, რომ ყვავილოვანი პრინტის მქონე ფარდა 80-იან წლებში იყო პოპულარობის ზენიტში, ამ წელსაც ძველებურ სიდიადეს იბრუნებს. ფარდებზე ფუტურისტული ნახატების, გეომეტრიული ფიგურების, მცენარეების, ცხოველებისა თუ ბუნების 3დ პრინტები გამოყენება ასევე ძალიან საინტერესოდ და ორიგინალურად გამოიყურება.

 

 

არსებობს ფარდების უამრავი სახეობა: კლასიკური, რომაული, ჟალუზები და სხვა. მაგალითად, რომაული და იაპონური ფარდები 2020 წელს დიდ ყურადღებას იქცევს. რომაული ფარდები წარმოადგენს ფართო ქსოვილის ზოლებს, რომელთა დაგრძელება თუ დამოკლება ავტომატურად და მექანიკურად შეგიძლიათ. ისინი ბინაში ელეგანტურობას და კომფორტულობას აერთიანებს. სლაიდური პანელებისგან შემდგარი იაპონური ფარდები კომფორტის და პრაქტიკულობის ნაზავია. ამ თანამედროვე ფარდებს უნარი აქვთ შეასუსტონ ზედმეტი სინათლე და ინტერიერში მყუდრო და თბილი ატმოსფერო შექმნან.

 

ჟალუზები კვლავ უკონკურენტოა. მონოქრომულ ჟალუზებს ბინაში ჰარმონიულობა შემოაქვთ. თავად ჟალუზის მართვის მექანიზმი კი საშუალებას გაძლევთ სინათლის ნაკადი ზომიერად და თანაბრად გადაანაწილოთ. პომპეზურობის შესაქმნელად კი ფრანგული ფარდები დაიხმარეთ. თუმცა გაითვალისწინეთ, რომ ისინი ყველაზე კარგად დიდი ფართის, სივრცულ ოთახებში გამოიყურება. ამ წლის კიდევ ერთი ტრენდი აღმოსავლური სტილის ფარდებია. ორნამენტებით გაფორმებული, ოქროსფერი ქსოვილის დახვეწილი ფარდები ინტერიერს ელეგანტურობას სძენს.

 

 

როგორც დასაწყისში აღვნიშნეთ, ფარდებს მართლაც შესწევთ უნარი ბინაში ჯადოსნური ატმოსფერო შექმნან და არა მარტო. მაგალითად, თუ თქვენი ბინა პატარა ფართისაა, ღია ფერის ფარდებით სივრცის ვიზუალურად ზრდას შეუწყობთ ხელს. მსგავსი ტიპის ფარდები ოთახს უფრო სივრცულს და ნათელს ხდის. ასევე ფარდები ეკონომიური და პრაქტიკული საშუალებაა მოახდინოთ სივრცის ზონირება ისე, რომ არც ზედმეტი კედლის ამოშენება დაგჭირდეთ და არც კაპიტალური რემონტის ჩატარება.

 

თუ ბინის ყიდვა არქიში გადაწყვიტეთ, შეგახსენებთ, რომ არქი ქარდის საშუალებით სპეციალურად თქვენზე მორგებული ფასდაკლებით ისარგებლებთ და სასურველ ფასად მაღალი ხარისხის ფარდებს შეიძენთ.